នៅពេលដែលឈានចូលវ័យចំណាស់ រាងកាយក៏ចាប់ផ្ដើមមានការប្រែប្រួលជាខ្លាំង ។ រាងកាយមិនគ្រាន់តែមិនលូតលាស់ប៉ុណ្ណោះទេ ប៉ុន្ដែថែមទាំងចុះទ្រុឌទ្រោម កម្លាំងក៉ហែងក៏ថយ មិនចំពោះតែរាងកាយទេ ផ្លូវចិត្តក៏មានការប្រែប្រួលដូចគ្នាដែរ ហើយជាពិសេសនោះគឺបញ្ហាផ្លូវភេទ ។ ចំពោះមនុស្សវ័យចំណាស់ដរាបណាអ្នក និងដៃគូរបស់អ្នកនៅតែមានតម្រូវការផ្លូវភេទនោះ អាយុពុំមែនជាបញ្ហាមកបង្អាក់ដំណើរការសិចរបស់អ្នកឡើយ ៕
៙ ថែទាំរាងកាយ
ដំបូងឡើយត្រូវទទួលស្គាល់ថា ‹ខ្លួនចាស់ហើយ ការចុះខ្សោយវាជារឿងធម្មតា› រួចបែរត្រឡប់មកមើលថា តើសភាពរាងកាយរបស់យើង យ៉ាងម៉េចដែរក្នុងខណៈនេះ? ប៉ុន្ដែការប៉ាន់ស្មានដោយខ្លួនឯង វាមិនអាចត្រូវទាំងអស់នោះទេ ដូច្នេះយកល្អគួរតែរកឱកាសទៅពិនិត្យសុខភាពប្រចាំឆ្នាំល្អជាង ពីព្រោះក្នុងវ័យនីមួយៗ គឺមានជំងឺតម្កាត់ខាងរាងកាយ ដែលគួរតែប្រុងប្រយ័ត្នខុសៗគ្នា ហើយមានជំងឺជាច្រើនដែលជាជំងឺកាចសាហាវ ប៉ុន្ដែយើងអាចពិនិត្យរកឃើញ និងរកដំណោះស្រាយបានដូចជារោគស្ទះសរសៃឈាម និងរកដំណោះស្រាយបានដូចជា រោគស្ទះសរសៃឈាម ឬកូឡេស្ដេរ៉ូលខ្ពស់ដែលបញ្ហាទាំងនេះ ប្រសិនបើយើងបណ្ដែតបណ្ដោយទុកយូរ នឹងបង្កឲ្យអវយវៈផ្សេងៗចុះខ្សោយទៅមុនកំណត់ ។ ដូច្នេះគួរតែការពារ និងព្យាបាលឲ្យបានពីដើមទី ដើម្បីឲ្យទទួលបានសេចក្ដីសុខជាមួយ នឹងដំណើរការលើគ្រែដូចដែលចិត្តប្រាថ្នាបានយូរអង្វែង ។
៙ របបអាហារ
ការទទួលទានឲ្យបានត្រឹមត្រូវ និងសមល្មមចំពោះរាងកាយ ក៏ជាបច្ច័យសំខាន់បំផុតមួយផងដែរ ។ យើងអាចសង្កេតឃើញភាពប្រែប្រួលរបស់រាងកាយ ក្នុងអំឡុងពេលឈានចូលវ័យចំណាស់ ដូចជាពីមុនធ្លាប់ទទួលទានអ្វីក៏មិនធាត់ ជាពិសេសអាហារដែលសម្បូរទៅដោយជាតិខ្លាញ់ ស្ករ អំបិល និងម្សៅ គឺសុទ្ធតែជាសមាសធាតុ ដែលធ្វើឲ្យអាហារមានរសជាតិឆ្ងាញ់ ប៉ុន្ដែមិនសូវល្អចំពោះសុខភាព ។ បញ្ហាទាំងនេះដោយសារតែពេលដែលយើងស្ថិតក្នុងវ័យកំលោះក្រមុំ រាងកាយរបស់យើងនៅអាចដុតបំផ្លាញថាមពលល្អ ប៉ុន្ដែលុះដល់អាយុកាន់តែច្រើន រាងកាយក៏ចាប់ផ្ដើមប្រែសភាព ជាឃ្លាំងស្តុកអាហារសល់ពីប្រើ ដោយមិនដឹងខ្លួន ដែលកត្តានេះវាជះឥទ្ធិពលចំពោះសុខភាពផ្លូវភេទជាខ្លាំង ដូចជា ប្រសិនបើកើតសរសៃឈាមចុះខ្សោយ គឺធ្វើឲ្យមិនឡើងអវយវភេទរឹងសម្រាប់បុរស ឬធ្វើឲ្យឆាប់ហេវហត់រហូតទាល់តែអស់កម្លាំងក៏មានដែរ ។ យើងអាចសុំការណែនាំពីក្រុមអ្នកជំនាញខាងចំណីអាហារ ឬរកសៀវភៅទាក់ទងនឹងការទទួលទានអាហារមកអានបន្ថែម ដើម្បីបង្កើនចំណេះដឹងក៏ជាការល្អ ។
៙ ហាត់ប្រាណ
ការហាត់ប្រាណត្រូវឈរលើមូលដ្ឋានភាពរឹងមាំ នៃរាងកាយជាគោល ពោលគឺមិនធ្វើឲ្យគាត់ឈឺជង្គង់ ហើយទទួលទានបានសម្រាន្តលក់ស្រួល មានការចងចាំល្អ ។ ប្រសិនបើរាងកាយនៅធម្មតា ក៏អាចហាត់បានគ្មានបញ្ហាទេ ប៉ុន្ដែប្រសិនបើមានអ្វីខុសប្រក្រតី គឺត្រូវទៅជួបគ្រូពេទ្យជាបន្ទាន់ ។
៙ ថែទាំផ្លូវចិត្ត
បញ្ហាផ្លូវចិត្តនេះរាប់ថា ជារឿងដ៏សំខាន់បំផុតមួយ ដែលជួយឲ្យជីវិតផ្លូវភេទរបស់អ្នកបានគង់វង្សយូរអង្វែង ឬឆាប់ចុះខ្សោយក្នុងបណ្ដាបញ្ហាការចុះខ្សោយសមត្ថភាពផ្លូវភេទ ដែលគេជួបប្រទះ មិនចំពោះថា ជាបញ្ហាការមិនឡើងរឹងចំពោះបុរស ឬការគ្មានអារម្មណ៍ផ្លូវភេទទាំងប្រុសទាំងស្រី ពេលខ្លះវាកើតពីមូលហេតុខាងផូវចិត្ត ដូចជា ភាពតានតឹងក្នុងអារម្មណ៍ ក្ដីកង្វល់រឿងផ្សេងៗជាដើម សុទ្ធតែជាដើមហេតុដែលធ្វើឲ្យមិនមានអារម្មណ៍ផ្លូវភេទ ។
៙ ភាពធុញទ្រាន់
ភាពធុញទ្រាន់ជារឿង ដែលអាចកើតមានចំពោះមនុស្សគ្រប់គ្នា មិនចំពោះថាក្មេង ឬចាស់ទេ ។ ប៉ុន្ដែគេអាចចោទជាសំនួរថា តើភាពធុញទ្រាន់វាអាចក្លាយជាបញ្ហាខាងផ្លូវភេទយ៉ាងដូចម្ដេច ? រឿងផ្លូវភេទនេះ វាមិនខុសអ្វីពីការទទួលទានបាយឡើយ ដែលថ្ងៃខ្លះយើងចង់ទទួលទានបាយនៅផ្ទះ ប៉ុន្ដែពេលខ្លះយើងក៏ចង់ចេញទៅទទួលទានអាហារប្លែក ថ្មីប្លែកមាត់ ឬទៅទទួលទាននៅហាងដែលមានបរិយាកាសល្អ រ៉ូមែនទិកក្រៅផ្ទះខ្លះដែរ ។ យ៉ាងណាមិញ រឿងបញ្ហាផ្លូវភេទក៏វាមិនខុសគ្នាប៉ុន្មានដែរ ពោលគឺប្រសិនបើដំណើរការផ្លូវភេទប្រព្រឹត្តទៅ នៅតែក្នុងបន្ទប់ដេកនៅផ្ទះ លើគ្រែដដែលៗ បរិយាកាសដដែលៗនោះ ភាពរំភើបអារម្មណ៍រមែងសាបគ្មានរសជាតិ ក្លាយជារឿងធុញទ្រាន់ចំពោះបញ្ហាលើគ្រែ ។ ដូច្នេះអ្នកដែលមានបញ្ហាចុះខ្សោយសមត្ថភាពផ្លូវភេទ ត្រូវចេះផ្លាស់ប្ដូរទីកន្លែងខ្លះផង ប៉ុន្ដែមិនត្រូវប្ដូរដៃគូនោះទេ ផ្លាស់ប្តូរត្រឹមតែបរិយាកាសទីកន្លែងបានហើយ ៕
.jpg)
0 comments:
Post a Comment